Tramp Eron bilan uchrashuvni qaror qabul qilmasdan yakunladi

AQSh prezidenti Donald Tramp Eron kelishuvi bo‘yicha uchrashuvini qaror qabul qilmasdan yakunladi.

Bu haqda The New York Times gazetasi AQSh ma’muriyatining yuqori lavozimli amaldoriga tayanib xabar berdi.

"Ismi oshkor qilinmasligi sharti bilan gapirgan yuqori lavozimli amaldorning so‘zlariga ko‘ra, Prezident Trampning vaziyat xonasidagi uchrashuvi taxminan ikki soat davom etdi, ammo u Eron bilan biron bir yangi kelishuv bo‘yicha hech qanday qaror qabul qilmadi”, deb ta’kidladi nashr.

Ma’muriyat kelishuvga yaqin deb hisoblaydi, ammo Eron uchun mablag‘ ajratish kabi ayrim masalalar hali ham muhokama qilinmoqda, deb qo‘shimcha qildi manba.