AQSh prezidenti Donald Tramp Eron bilan kelishuvga erishish bo‘yicha muzokaralarda «katta olg‘a siljish» kuzatilayotganini bildirdi.

Tramp bu haqda Nyu-Yorkda BMT Bosh Assambleyasi doirasida Fors ko‘rfazi davlatlari rahbarlari bilan uchrashuvda aytdi.

AQSh maxsus vakili Stiv Uitkoff va Jared Kushner Qatar hamda Pokiston vositachiligida Eron tomoni bilan muzokaralar o‘tkazgan. Eron tomonidan uchrashuvda tashqi ishlar vaziri Abbos Araqchiy ishtirok etgan.

Trampning aytishicha, uchrashuv qariyb uch soat davom etgan va «juda foydali» bo‘lgan. Yaqin orada yangi muzokaralar o‘tkazilishi kutilmoqda.

Tramp AQSh Eronda yadroviy qurol paydo bo‘lishiga yo‘l qo‘ymasligini yana bir bor ta’kidladi. Shu bilan birga, u kelishuv Tehron uchun ham manfaatli bo‘lishini aytdi va muzokaralar muvaffaqiyatsiz yakunlangan taqdirda oqibatlar bo‘lishidan ogohlantirdi.

Eron davlat teleradiokompaniyasi xabar berishicha, Tehron Uitkoff bilan uchrashuvga rozi bo‘lgan. Muzokaralarda Hurmuz bo‘g‘ozi orqali kemalar harakatini tiklash shartlari muhokama qilinishi kutilmoqda.

Eron tomonining shartlari orasida dengiz blokadasini bekor qilish, Eron aktivlarini muzlatishdan chiqarish va «qarshilikning barcha frontlarida» urushni to‘xtatish talablari bor.