Qo‘shma Shtatlar xalqaro suvlarda tutib olingan Venesuela tankerlaridagi neftni ham, kemalarning o‘zini ham o‘zlashtirishni rejalashtirmoqda.
Bu haqda AQSh prezidenti Donald Tramp jurnalistlarga ma’lum qildi.
"Biz neftni saqlab qolamiz. Biz undan strategik zaxiralarni to‘ldirish uchun foydalanishimiz mumkin. Biz uni saqlab qolamiz. Kemalarni ham saqlab qolamiz", dedi u.
Shu bilan birga Tramp yana Venesuela yetakchisi Nikolas Maduroga tahdid qildi.
"Agar Maduro qattiqqo‘l bo‘lsa, bu oxirgi marta qattiqqo‘l bo‘ladi", dedi AQSh prezidenti.
10 dekabr kuni Tramp Venesuela neftini olib ketayotgan sanksiyadagi neft tankeri hibsga olinganini e’lon qildi va o‘shanda ham Qo‘shma Shtatlar neftni saqlab qolishni rejalashtirganini ta’kidladi.
20 dekabr kuni Qo‘shma Shtatlar Panama bayrog‘i ostida suzib ketayotgan va Xitoy neftni qayta ishlash zavodlariga yoqilg‘i yetkazib berayotgan xitoylik neft treyderi uchun yuk olib ketayotgan Centuries tankerining tutib olinganini tasdiqladi. Kema AQSh sanksiyalariga tobe emas. 21 dekabr kuni Bloomberg agentligi Panama bayrog‘i ostida suzib, Venesuelaga yo‘l olgan Bella 1 tankeri qo‘lga olingani haqida xabar berdi. The New York Times gazetasining yozishicha, AQSh hukumati Bella 1ni hibsga olish uchun order olgan, chunki kema avvalroq Eron neftini tashish bilan shug‘ullangan bo‘lishi mumkin.
Rossiyaning “taslim bo‘lish” taklifi haqida ma’lum qilindi
Qobiljonni kim o‘ldirdi? Rossiyada sodir etilgan mudhish qotillikning asl aybdori aytildi
Rossiya darhol harbiy harakatlarni to‘xtatishga tayyor,
