Toshkentda yurib ketayotgan mashinalar ustiga singan daraxt qulab tushdi

Toshkent shahri markazida singan daraxt harakatlanib ketayotgan ikkita avtomobil ustiga quladi. Poytaxt Favqulodda vaziyatlar boshqarmasiga ko‘ra, voqea 2 sentyabr tong soat 05:32 da Maxtumquli ko‘chasi 1-uy qarshisida ro‘y bergan. Qayd etilishicha, hodisa oqibatida tan jarohati olganlar yo‘q. “Voqea joyiga zudlik bilan qutqaruv ekipajlari va hamkorlikdagi xizmatlar jalb etildi hamda olib borilgan tezkor choralar natijasida yo‘ldagi to‘siqlar bartaraf etilib, avtomobillar harakati qayta tiklandi”, – deyiladi xabarda.