15-17 iyul kunlari Tashkent city hamda poytaxtning bir qancha istirohat bog‘larida "Food and Muzzday fest-2022" bo‘lib o‘tadi. Unda taniqli restoranlar va oshxonalar ishtirok etadi. Dasturda professional oshpazlar bellashuvi, ofisiantlar va restoran xizmatchilari namoyishlari, milliy va xorij taomlarini tayyorlash jarayonlarini ko‘rsatish, shou-konsertlar, karnaval va fleshmoblar o‘rin olgan.
Undan tashqari, hokimlik xabariga ko‘ra, iyul oyida poytaxtda "Dance fest", "Car fest" kabi ko‘ngilochar festivallar o‘tkazilishi ham rejalashtirilgan.