Namangan viloyati Davlatobod tumanida o‘zini Davlat xavfsizlik xizmati xodimi deb tanishtirgan shaxs 5,5 ming dollar pora bilan qo‘lga olindi. Qayd etilishicha, tuman hududida o‘tkazilgan tezkor tadbirda o‘zini Davlat xavfsizlik xizmati xodimi deya tanishtirgan, muqaddam firibgarlik bilan bog‘liq sodir etgan jinoyatlari uchun bir necha bor sudlangan shaxs mahalliy fuqarodan 5,5 ming dollar olgan vaqtida DXX xodimlari tomonidan qo‘lga olingan.
Shuningdek, yana bir pora olish bilan bog‘liq holat Toshkent viloyatida qayd etilgan. Xususan, Olmaliq shahar adliya bo‘limi xodimi mahalliy fuqaroni Olmaliq kon metallurgiya kombinatiga ishga kirishida yordam berish evaziga 4 ming dollar olgan vaqtida ushlangan.
Hozirda mazkur holatlar yuzasidan tergov-surishtiruv ishlari olib borilmoqda.
Eron raketalarining aksariyati Isroilning Arrow mudofaa tizimi yordamida qo‘shni davlatlar ustida urib tushirilgan
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
Tojikiston chegarachilari yetti nafar afg‘onni otib o‘ldirdi
