Shu yilning 1 aprel kuni “Centrum Air” aviakompaniyasining Toshkent–O‘sh–Toshkent yo‘nalishi bo‘yicha ilk aviareys amalga oshirildi.
Bu haqda “Dunyo” AA deb xabar berdi.
O‘sh xalqaro aeroportida O‘zbekiston havo kemasi an’anaviy suv arkasi bilan tantanali ravishda kutib olindi.
Ilk reysning o‘zida Toshkentdan 98 nafar yo‘lovchi uchib kelgan bo‘lsa, O‘shdan 141 nafar yo‘lovchi O‘zbekiston poytaxtiga yo‘l oldi. Diqqatga sazovor jihati shundaki, yo‘lovchilar orasida O‘zbekiston va Qirg‘iziston fuqarolaridan tashqari Turkiya, Xitoy va Koreya Respublikasidan kelgan sayyohlar ham borligi ushbu yo‘nalishning xalqaro turistik jozibadorligini ko‘rsatdi.
Parvozlar “Airbus A320” zamonaviy samolyotlarida haftasiga ikki marta – chorshanba va shanba kunlari amalga oshiriladi. Yaqin kelajakda reyslar sonini 4 tagacha oshirish rejalashtirilgan.
Evropa Ukrainadan voz kechib, Rossiya bilan hamkorlik qilishga harakat qilmoqda
Eron: "Islom inqilobi qo‘riqchilari korpusi tajovuzkor AQShning USS Abraham Lincoln aviatashuvchi kemasiga zarba berdi"
Hormuz bo‘g‘ozida Amerika qiruvchi samolyoti urib tushirildi
