Yaqinlashib kelayotgan Qurbon hayiti hamda mustaqilligimizning 27 yillik bayrami munosabati bilan tashkil etilgan umumxalq hashariga har bir yurtdoshimiz o‘z hissasini qo‘shish harakatida. “Yurt obodligiga o‘z hissangni qo‘sh!” umumiy g‘oyasi ostida tashkillashtirilgan umumxalq hasharida Toshkent Davlat pedagogika universiteti faol ishtirok etmoqda.
Bugun, 18 avgust kuni universitet faollari bir vaqtning o‘zida besh hududda tozalik-obodonlashtirish ishlarini boshlab yuborishdi. Universitet binosi, poytaxtning Muqumiy ko‘chasida joylashgan talabalar turar joylari, “G‘afur G‘ulom” istirohat bog‘i hamda “Milliy stadion” atrofi hududlari, universitet binosining Yakkasaroy tuman hududida boshlangan hashar ishlarida OTM xodimlari hamda faol talabalardan iborat guruh ko‘kalamzorlashtirish ishlarini olib bordi.
Hashar avvalida universitet hududida prorektorlar tomonidan ramziy ko‘chat ekish marosimi bo‘lib o‘tdi. Universitet tomonidan o‘stirilgan 100 tup kashtan daraxti ko‘chatlari markaziy bino hududiga ekildi.
Hashar doirasida universitetning Yoshlar ittifoqi faollari Chilonzor tumanida joylashgan Qozirobod qabristonida tozalash va obodonlashtirish ishlarini o‘tkazdi. Shuningdek, belgilangan hududlarga manzarali daraxt hamda gul ko‘chatlari ekildi.
Ertaga davom etishi kutilayotgan hasharning birinchi kunida jami 750 dan ortiq kishi ishtirok etdi, 32 ga maydonni obodonlashtirildi. Yurtimiz obodligi, shaharlarimiz ko‘rkamligiga hissa qo‘shish har birimizning burchimizdir.
Universitet matbuot xizmati
19 may kuni yomg‘ir yog‘ishi mumkin bo‘lgan hududlar e’lon qilindi
Namanganda 63-xalqaro “Gullar festivali” boshlandi
O‘zbekiston Eron Prezidenti bo‘lgan vertolyotning baxtsiz hodisaga uchrashiga munosabat bildirdi
