Tolibon Qandahorning 1 -va 13-tumanlari o‘rtasida joylashgan armiya garnizoni aholisini o‘z uylaridan haydab chiqarishga qaror qildi. Bu haqda Asvaka agentligi xabar bermoqda.
Tolibon afg‘onlarga uch kun ichida uylarini tark etishni buyurdi. Uy-ro‘zg‘or buyumlari olib ketish taqiqlangan. Aholining aytishicha, toliblar o‘z bo‘linmalarini u yerga joylashtirmoqda.
Minglab afg‘onlar Qandahor ko‘chalariga chiqib, majburiy ko‘chirishga qarshi chiqishdi. Odamlar moliyaviy qiyinchiliklardan shikoyat qilib, hatto oziq-ovqatga ham qurbi yetmasligini da’vo qilishmoqda.
Agentlik ma’lumotlariga ko‘ra, so‘nggi 40 yil ichida ko‘plab afg‘onistonliklar garnizonda xususiy uylar qurdilar. Qayd etilishicha, uylar davlat yerlarida qurilgan.