Timur Kapadze "Paxtakor" bosh murabbiyi bo‘lishi mumkin

Ayni paytda O‘zbekiston terma jamoasi bosh murabbiyi bo‘lishi kutilayotgan portugaliyalik Paulu Bentu Toshkentda bo‘lib turibdi.

Buning ortidan Timur Kapadze terma jamoadagi postini xorijlik hamkasbiga topshirishi ehtimoli katta. Aftidan Kapadzening faoliyatida uzoq tanaffus bo‘lmaydi.

Ma’lumotlarga ko‘ra, 43 yoshli mutaxassis Toshkentning "Paxtakor" jamoasi ustoziga aylanishi mumkin. Timur Toxirovich bunga qadar klublar miqyosida "Lokomotiv", "Olimpik" jamoalarida faoliyat olib borgan.