TIME jurnali YouTube bosh direktori Nil Mohanni “Yil rahbari” deb topdi

TIME jurnali 2025 yil uchun “Yil rahbari” mukofotini YouTube’ning bosh direktori Nil Mohanga taqdim etdi.

Nashr Mohanning raqamli media bozoridagi katta o‘zgarishlar davrida YouTube’ni muvaffaqiyatli boshqargani, platformaning auditoriyasi va ta’sirini yanada oshirganini asosiy omil sifatida qayd etdi.

Nil Mohan 2023 yilda rahbarlikka kelganidan buyon YouTube televideniya, sport translyasiyalari, qisqa videolar va podkastlar bozorida o‘z nufuzini yanada mustahkamladi.

TIME maqolasida ta’kidlanishicha, Mohan industriyada shov-shuvsiz, ammo samarali rahbar sifatida e’tirof etilmoqda.