Telekanallarimizda xorij seriallari namoyishi cheklanadi

O‘zbekiston nodavlat telekanallarida bir kunlik efir jadvalini shakllantirishda xorij serialini bir sutkada faqatgina bir martadan ko‘p bo‘lmagan holda namoyish etish belgilandi.

«Xabar.uz» nashriga ko‘ra, Vazirlar Mahkamasida o‘tkazilgan yig‘ilishda shu haqda so‘z borgan.

Shuningdek, telekanallarga efir vaqtining asosiy qismini original ko‘rsatuvlar bilan to‘ldirish, milliy badiiy film va seriallarga ustuvorlik berish, telekanallarda namoyish etiladigan chet el seriali qat’iy ravishda O‘zbekiston Respublikasining amaldagi qonunchilik talablariga javob berishi ta’minlanishi qayd etilgan.

Elektron ommaviy axborot vositalari milliy assosiasiyasiga o‘n kun muddat ichida joriy etilgan tartibni barcha nodavlat teleradiokanallarga yetkazish vazifasi qo‘yilgan.