Tehron kemalardan tranzit to‘lovlarini undirmaydi, biroq...

Biroq xavfsizlik, atrof-muhit muhofazasi va dengizni boshqarish xarajatlarini kema egalari to‘lashiga to‘g‘ri keladi. Bu haqda Eron Tashqi ishlar vazirligi matbuot kotibi Ismoil Bag‘oiy ma’lum qildi.

Diplomatning ta’kidlashicha, Eron va O‘mon qirg‘oqdosh davlatlar sifatida Ho‘rmuz bo‘g‘ozidagi xavfsizlik uchun asosiy mas’uliyatni o‘z zimmalariga oladi. Shuningdek, u Yevropa davlatlarining ushbu hududni boshqarishda ishtirok etishi mumkinligi haqidagi xabarlarni rad etdi.

Eslatib o‘tamiz, o‘tgan hafta Eron Ho‘rmuz bo‘g‘ozini boshqarish vakolatiga ega bo‘lgan davlat agentligi tashkil etilganini e’lon qilgan edi.