Taniqli qo‘shiqchi Sardor Mamadaliyevning onasi 28 dekabr, dushanba kuni vafot etdi. Bu haqda xonanda o‘zining Instagram sahifasida ma’lum qildi.
«Onajon, joyingiz jannatda bo‘lsin! So‘nggi manzilga kuzatganimizga 2 kun bo‘ldiyu, lekin nazarimda 2 kunmas, 20 yildan beri ko‘rmagandekman. Faqat shirin xotiralar qoldi, sizni juda sog‘indim, ona», — deb yozadi Sardor Mamadaliyev.