Navoiy viloyati Xatirchi tumanidagi 33-qishloq oilaviy poliklinikasiga shoshilinch ravishda 2 yoshli Azizbek Shuhratov olib kelindi. U suvga tushib ketib, ariq quvurida 10 daqiqa davomida tiqilib qolgan ekan. Shu bois uni klinik o‘lim bilan olib kelishdi.
Allohning irodasi, poliklinika shifokori - jarroh Komiljon Rayimov va boshqa shifokorlar ishtirokida tezkor muolaja choralari ko‘rilib, Azizbekning hayoti qutqarib qolindi.
Hozirda bolaning ahvoli qoniqarli darajada va uyiga javob berildi.