Навоий вилояти Хатирчи туманидаги 33-қишлоқ оилавий поликлиникасига шошилинч равишда 2 ёшли Азизбек Шуҳратов олиб келинди. У сувга тушиб кетиб, ариқ қувурида 10 дақиқа давомида тиқилиб қолган экан. Шу боис уни клиник ўлим билан олиб келишди.
Аллоҳнинг иродаси, поликлиника шифокори - жарроҳ Комилжон Райимов ва бошқа шифокорлар иштирокида тезкор муолажа чоралари кўрилиб, Азизбекнинг ҳаёти қутқариб қолинди.
Ҳозирда боланинг аҳволи қониқарли даражада ва уйига жавоб берилди.