Bugun 6 aprel, 2025 yil, yakshanba

КИР

Tanzila Norboyeva 29 yil davomida aytilmagan gapga to‘xtaldi

Tanzila Norboyeva 29 yil davomida aytilmagan gapga to‘xtaldi

Oliy Majlis Senati Kengashining Sirdaryo viloyatida bo‘lib o‘tayotgan majlisida Senat Raisi Tanzila Norboyeva xalqimiz katta yutuqlarga erishayotganini, lekin bular osonlikcha bo‘layotgani yo‘qligini ta’kidladi. Bu haqda O‘zA yozmoqda.

– Siyosiy islohotlar ham mutlaqo yangi bosqichga chiqdi. Iqtisodni erkinlashtirish masalalari, ijtimoiy hayotdagi katta ishlarimiz, xalqimiz farovonligini oshirish borasida, ayniqsa, uzoq yillar, 29 yil davomida aytilmagan gap – mamlakatimizda kambag‘allik borligi va uni bartaraf qilish bo‘yicha juda katta harakat e’lon qilindi. Bu masalalarni hal qilishda mablag‘imiz ham bor, sa’y-harakatlarimiz ham, kerakli tuzilmalar ham bor. Davlatimiz rahbarining yuksak siyosiy irodasi ham bor, – dedi T.Norboyeva. – Mana shunday chiroyli ketayotganmizda bu yil hammamiz uchun og‘ir, sinovli keldi. Butun dunyoda kechayotgan pandemiya mamlakatlarning iqtisodiga katta zarar keltirdi. Hali hech kim bundan keyingi jarayonlar qanday kechishini aytib bera olmaydi. Oxirgi asrlarda bunday inqiroz bo‘lmagan va buning salbiy oqibatlarini hali sezamiz.

Ta’kidlash joiz, O‘zbekiston Respublikasi Oliy Majlisi Senati Kengashining Sirdaryoda bo‘lib o‘tayotgan sayyor majlisi viloyatda ilk bor amalga oshirilyapti. Ushbu tajribaning kelgusida keng qo‘llanilishi masalalarni joylardagi deputatlar, faollar bilan kengroq, mazmunliroq muhokama qilish imkonini beradi. 

Kiritildi: 14:03 05.09.2020. O'qildi: 6128 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!