AQShlik reper Kanye Uest ikkinchi bor mamlakat prezidenti bo‘lish istagini bildirdi.
U bu haqda "Tvitter"dagi sahifasida yozgan.
«Hozir biz Amerika orzusi, xudoga ishonchni yuzaga chiqarish va kelajakni qurishni boshlashimiz kerak», — deya yozgan san’atkor.
Uest 2015 yildayoq 2020 yilgi saylovlarda qatnashish orzusini bildirgandi. Ammo u ro‘yxatdan o‘tishga ulgura olmagan.
Noyabrda bo‘lib o‘tishi kutilayotgan saylovlarda amaldagi prezident Donald Tramp va Obama davrida vise-prezident bo‘lgan Jo Bayden kurash olib bormoqda.