Tailandda mamlakatdan chiqish solig‘i joriy etilishi mumkin

Tailandda mamlakat hududidan samolyotda chiqib ketuvchi fuqarolar, shu jumladan xorijliklar uchun ham soliq joriy etish masalasi ko‘rib chiqilmoqda. Mahalliy matbuotga ko‘ra, yangi soliq aviachipta xarid qilinayotgan paytda aviakompaniyalar tomonidan yoki chipta sotuvchi agent tomonidan undirilishi mumkin. Qonun loyihasi bo‘yicha yakuniy qaror hali qabul qilinmagan.

Soliq Tailanddan samolyotda uchib ketayotgan barcha yo‘lovchilardan, xususan xorijlik sayyohlardan ham undirilishi rejalashtirilgan. Quruqlik yoki dengiz orqali chiqib ketuvchilar dastlabki bosqichda soliqqa tortilmaydi.