25 yanvar kuni Toshkent shahrining aksariyat hududlari elektr energiyasi ta’minotisiz qoldi. Ayni paytda hali ta’minot tiklangani yo‘q.
Kun.uz poytaxtda yirik tibbiy markazlar faoliyat yuritishi va ularda uzluksiz operasiyalar o‘tkazilishini hisobga olib, bemorlar hayoti xavf ostida qolishi mumkinligi masalasida vazirlik matbuot kotibi Furqat Sanayevdan izoh oldi.
«Xavotirga o‘rin yo‘q. Barcha operasion bloklar zamonaviy tarzda jihozlangan va qo‘shimcha ta’minot generatorlariga ulangan. Bir manbadan uzilish darhol ikkinchisi ulanishiga sabab bo‘ladi.
Albatta, yordamchi dizel generatorlar bilan uzoq vaqt ishlab turish qiyin. Lekin tez orada umumiy ta’minot tiklanishiga umid qilamiz. Keyingi jarrohlik amaliyotlari shunga qarab rejalashtiriladi.
Bundan tashqari, vazirlik tomonidan tezkor chora-tadbirlar rejasi ishlab chiqildi. Tibbiy maskanlarning uzluksiz ishlashini ta’minlash bo‘yicha topshiriqlar berildi», – dedi Furqat Sanayev.
Ayni paytda ta’minot tiklanmagan, chorrahalarda tirbandliklar saqlanib turibdi, suv ta’minotida ham uzilishlar kuzatilyapti. Toshkent aeroporti reyslar qabul qilishni to‘xtatgan.
O‘zbekiston energetika vazirligi ushbu holatga Qozog‘istondagi energotizimda ro‘y bergan avariyani sabab qilib keltirgan.
Ozodbek Nazarbekov Botir Qodirov va Jo‘rayevlar haqida: “Uchta tirrancha buyuk san’atkorni loyga bulg‘amoqda”
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Rossiya dunyodagi birinchi vodorod yoqilg‘ili avtomobilni taqdim qildi
