Joriy yilning mart oyida huquqni muhofaza qilish idoralari tomonidan amalga oshirilgan tezkor tadbirlar natijasida Jarqo‘rg‘on tumanida istiqomat qilgan O‘zbekiston Respublikasi hududida faoliyati taqiqlangan «Hizb ut-Tahrir» diniy-ekstremistik tashkiloti tarafdori 1981 yilda Surxondaryo viloyatida tug‘ilgan Alimov Botir Xurramovichning jinoiy faoliyatiga chek qo‘yilgan edi.
Tergov jarayonida ma’lum bo‘lishicha, B.Alimov Internetning “Facebook” va «Odnoklassniki» ijtimoiy tarmoqlarida “Oxirat hisobi” nomli profili orqali ekstremistik g‘oyalarni targ‘ib qilib, virtual do‘stlariga «Hizb ut-Tahrir» DETning audio-video materiallarini tarqatib kelgan.
B.Alimovning jinoiy harakatlari ayni paytda, Polshada yashirinib kelayotgan «Hizb ut-Tahrir»ning faol yollovchilari hisoblangan xalqaro qidiruvda bo‘lgan quyidagi shaxslar tomonidan boshqarilgan.
Ular: “Mahmud Abdulmo‘min” taxallusli 1980 yilda Qirg‘iziston Respublikasida tug‘ilgan, Xoldarov Maxmudjon Abdumalikovich va «Mansur Amin» taxallusli 1986 yilda Surxondaryo viloyati Sariosiyo tumanida tug‘ilgan Eshmatov Suxrob Najmiddinovich
“Mahmud Abdulmo‘min”
«Mansur Amin»
Joriy yilning iyul oyida B.Alimovning jinoiy qilmishlari Jinoyat ishlari bo‘yicha Surxondaryo viloyat sudi tomonidan ko‘rib chiqilib, u 5 yil muddatga ozodlikdan mahrum qilish jazosiga hukm qilindi.