Suriya prezidenti Bashar Asad muftiy lavozimini bekor qilish va diniy sohani nazorat qiluvchi vazirlik vakolatlarini kengaytirish haqidagi farmonni imzoladi.
Muftiyning vakolatlari Vaqflar va diniy ishlar vaziri boshchiligidagi Fiqhiy kengashga o‘tkazildi.
Prezidentning ushbu farmoni Suriya muftiysi Ahmad Badriddin Hassunning iste’foga chiqishini anglatadi. U muftiy lavozimida 2005 yildan beri ishlab kelayotgan edi.
Bashar Asad 2018 yildagi farmoni bilan muftiyning faoliyat muddatini uch yil etib belgilagan edi. Uch yildan keyin Vaqflar va islomiy ishlar vazirligining qarori bilan muftiyning faoliyat muddati uzaytirilishi mumkin.
Prezident farmonida muftiy lavozimi nima uchun tugatilgani haqida aytilmagan.
Amerikalik taniqli bokschi Bahodir Jalolov haqida fikr birdirdi
ECHL. Yarim final. "Bavariya" "Real" bilan jangovar durang qayd etdi
JSST: Isroilning Rafahga hujumi gumanitar falokatni yanada kuchaytiradi
