Buyuk Britaniya qirollik oilasining sobiq a’zosi Endryu Mauntbetten-Vindzor amerikalik moliyachi Jeffri Epshteyn bilan bog‘liq tergov doirasida o‘tkazilgan tintuvlarning qonuniyligi yuzasidan Temza vodiysi polisiyasini sudga berdi.
Politico va The Telegraph xabarlariga ko‘ra, Endryu 2026 yil fevral oyida hibsga olingan. Shundan so‘ng polisiya uning Sandringem mulkidagi uyi va Vindzordagi sobiq qarorgohi — Royal Lojda tintuv o‘tkazgan. U 12 soatdan ortiq so‘roq qilingan va keyin garov evaziga ozod qilingan.
Tergov doirasida lavozimni suiiste’mol qilish, Epshteynga maxfiy davlat ma’lumotlarini uzatish hamda jinsiy zo‘ravonlik bilan bog‘liq ehtimoliy huquqbuzarliklar tekshirilmoqda. Endryu esa barcha ayblovlarni rad etmoqda.
Uning advokatlari polisiya iltimosiga ko‘ra sudya tomonidan berilgan tintuv orderlarining qonuniyligiga e’tiroz bildirmoqchi.
The Telegraph ma’lumotiga ko‘ra, Oliy sudda ishga oid ayrim hujjatlarni oshkor qilish imkoniyati muhokama qilinishi kutilmoqda. Bu ish Britaniya qirollik oilasi a’zosining jinoiy tergov doirasidagi harakatlarning qonuniyligiga sud orqali e’tiroz bildirishi bilan bog‘liq kamyob holat sifatida baholanmoqda.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Nega aynan Erkinjon Turdimov? Bu qaror ortida qanday omillar turibdi?
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
