Буюк Британия қироллик оиласининг собиқ аъзоси Эндрю Маунтбеттен-Виндзор америкалик молиячи Жеффри Эпштейн билан боғлиқ тергов доирасида ўтказилган тинтувларнинг қонунийлиги юзасидан Темза водийси полициясини судга берди.
Politico ва The Telegraph хабарларига кўра, Эндрю 2026 йил февраль ойида ҳибсга олинган. Шундан сўнг полиция унинг Сандрингем мулкидаги уйи ва Виндзордаги собиқ қароргоҳи — Роял Ложда тинтув ўтказган. У 12 соатдан ортиқ сўроқ қилинган ва кейин гаров эвазига озод қилинган.
Тергов доирасида лавозимни суиистеъмол қилиш, Эпштейнга махфий давлат маълумотларини узатиш ҳамда жинсий зўравонлик билан боғлиқ эҳтимолий ҳуқуқбузарликлар текширилмоқда. Эндрю эса барча айбловларни рад этмоқда.
Унинг адвокатлари полиция илтимосига кўра судья томонидан берилган тинтув ордерларининг қонунийлигига эътироз билдирмоқчи.
The Telegraph маълумотига кўра, Олий судда ишга оид айрим ҳужжатларни ошкор қилиш имконияти муҳокама қилиниши кутилмоқда. Бу иш Британия қироллик оиласи аъзосининг жиноий тергов доирасидаги ҳаракатларнинг қонунийлигига суд орқали эътироз билдириши билан боғлиқ камёб ҳолат сифатида баҳоланмоқда.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Германия Россия билан дизель ёқилғиси етказиб бериш бўйича келишув тузишни таклиф қилди
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
