AQSh El Chapo (Pakana) laqabli narkobaron Xoakin Gusmanni umrbod qamoq jazosi va qo‘shimcha 30 yilga qamash haqida hukm chiqardi. U shuningdek $12 mlrd jarima to‘lashi kerak bo‘ladi. Bu haqda "Minbar" yozmoqda.
Dunyoda eng xavfli Sinaloa narkokartelini boshqargan meksikalik Xoakin Gusmanni Nyu-York federal sudi 10 ta epizod bo‘yicha, xususan katta miqdorda pul yuvish va narkotrafikda aybdor deb topgan.
AQShni geroin, metamfetamin kabi narkotiklar bilan to‘ldirib tashlagan Pakana 2009 yilda Forbes ro‘yxatiga kirgan edi. Dunyoning eng boy odamlari orasida u 701-o‘rinni olgan.
Pakananing qo‘l ostidagilar sudda u yuzlab odamni shaxsan o‘ldirgani, zo‘rlagani va qiynagani haqida ko‘rsatma bergan.
Xoakin Gusman Meksikada bir necha marta qattiq qo‘riqlanadigan qamoqxonadan qochishga muvaffaq bo‘lgan. Oxirgisida Gusman 2015 yil iyulida alohida qo‘riqlanadigan qamoqxonadan xonasigacha qazilgan bir necha kilometrlik yerosti yo‘li orqali maxsus motosiklda qochib ketgandi.
Meksikada hukumat va narkokartellar o‘rtasida hozirgacha davom etayotgan urushda 100 mingdan ko‘proq odam o‘lgan.
Rossiya hukumati bunga rozi bo‘ldi
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
Iqtisodiy jihatdan Moldova faqat Rossiya bilan hamkorlikda rivojlana oladi
