Sirdaryoda yuz bergan avtohalokatda mashina va uning haydovchisi yonib ketdi. Bu haqda “Milliy” telekanalida xabar qilindi.
Ma’lum bo‘lishicha, joriy yilning 25-avgust kuni soat 14:49 da Sirdaryo tumani “Ziyokor” MFY hududidan o‘tuvchi yo‘lda Cobalt mashinasi ishtirokida yuz bergan YTH oqibatida yong‘in sodir bo‘lgan.
O‘t o‘chiruvchilar hodisa joyiga soat 15:03 da yetib borib, yong‘in 3 daqiqada to‘liq o‘chirilgan.
Avtohalokat natijasida mashina boshqaruvida bo‘lgan shaxs ham yonib ketgani aytilmoqda.
