Singapurda davlat xizmatchilari uchun sovchilik platformasi ishga tushdi

Singapur hukumati davlat xizmatchilariga juft topishda yordam beruvchi FirstDate platformasini ishga tushirdi.

📱 Platforma 21–35 yoshli davlat xizmatchilari uchun mo‘ljallangan. Foydalanuvchilar Singpass orqali ro‘yxatdan o‘tib, qiziqishlari, odatlari, qadriyatlari va xohishlari haqida so‘rovnomani to‘ldiradi.

Juftliklar Geyl–Shepli barqaror nikoh algoritmi asosida tanlanadi. Har bir ishtirokchiga bir siklda bitta mos nomzod taklif etiladi.

📉 Tashabbus Singapurda nikohning kechikishi va tug‘ilish darajasining rekord darajada pasayishi kuzatilayotgan bir paytda ishga tushirildi.

Ayrim singapurliklar bu tashabbusni tanqid qilgan bo‘lsa, boshqalar yangi xizmatni sinab ko‘rishga qiziqish bildirgan.

📌 FirstDate hozircha davlat xizmatchilari o‘rtasidagi pilot loyiha hisoblanadi.