Britaniyaning Bi-bi-si televideniyesi yangiliklarini olib boruvchi Rita Chakrabarti kadrda sigaretga o‘xshagan buyum bilan paydo bo‘lib, tomoshabinlarni hayratga soldi. Translyasiya oktyabr oyining oxirida chiqdi, ammo undan olingan kichik lavha ijtimoiy tarmoqlarda faqat dekabrda "virusli" mashhurlikka erishdi, deb xabar beradi The Mirror.
Ko‘plab tomoshabinlar 55 yoshli jurnalistning videoda o‘rta va ko‘rsatkich barmog‘i orasida tamaki mahsuloti borligini ta’kidlashdi.
Izohlarda foydalanuvchilar ushbu holatdan kulishdi. Ko‘pchilik jurnalist haddan tashqari shoshilgan, shuning uchun u chekishga vaqt topolmagan, deb hazillashdi. Biroq, boshqalar Chakrabartining qo‘lidagi, ehtimol, sharikli qalam bo‘lishi mumkinligini aytishdi. Keyinchalik ushbu variant kanal rahbariyati tomonidan rasman tasdiqlandi.
