Si Jinpin AQSh tomonidan yangi bojlar joriy etilgach, Hindiston bosh vaziri Narendra Modiga maktub yo‘lladi.
Bu haqda Bloomberg xabar bermoqda.
Agentlik manbalariga ko‘ra, Xitoy yetakchisi Pekin va Nyu-Dehli o‘rtasidagi munosabatlarni yaxshilash imkoniyatlarini o‘rganishga harakat qilmoqda. Hindiston va Xitoy o‘rtasidagi yaqinlashuv jarayoni iyun oyidayoq boshlangan edi.
Hindiston rasmiysining aniqlik kiritishicha, iyun oyida Nyu-Dehli Pekin bilan yaqinlashish bo‘yicha harakatlarni boshlagan. The Times of India xabariga ko‘ra, avgust oyida tomonlar o‘n yillardan beri davom etayotgan chegara kelishmovchiliklarini hal qilish bo‘yicha muzokaralarni faollashtirishga kelishib olganlar.
Xitoy tashqi ishlar vaziri Van Ining 18-20 avgust kunlari Hindiston poytaxtiga tashrifi munosabatlarni normallashtirishning asosiy nuqtasi bo‘ldi. U yerda tomonlar mamlakatlar o‘rtasidagi to‘g‘ridan-to‘g‘ri aviaqatnovlarni tiklashni tezlashtirish va havo qatnovi bo‘yicha yangi kelishuv ustidagi ishlarni yakunlash haqida kelishib oldilar.
Bundan tashqari, Pekin 2026 yilda Hindistonda BRIKS sammitini o‘tkazishni qo‘llab-quvvatladi, Nyu-Dehli esa bunga javoban Xitoyga 2027 yilda birlashma sammitini tashkil etishda ko‘maklashishga tayyorligini bildirdi.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
