Si Bryusselni rad etdi

Xitoy Xalq Respublikasi raisi Si Szinpin Xitoy va Yevropa Ittifoqi o‘rtasidagi diplomatik aloqalarning 50 yilligi munosabati bilan Bryusselda o‘tkaziladigan sammitga tashrif buyurishdan bosh tortdi, deb xabar bermoqda Financial Times gazetasi.

Nashrning ikki manbasiga ko‘ra, Xitoy rahbari o‘rniga sammitda XXR Davlat kengashining Bosh vaziri Li Syan ishtirok etadi.

Gazetaning ta’kidlashicha, bunday uchrashuvlar odatda navbatma-navbat o‘tkaziladi: Bryusselda ko‘pincha bosh vazir qatnashsa, rais esa tegishli sammitlarni Pekinda o‘tkazadi. Biroq, FT suhbatdoshlari aytishicha, yubiley yili munosabati bilan Yevropa Ittifoqi Si Szinpinning shaxsan tashrif buyurishini kutgan edi.