Bugun Andijon viloyati hokimi Shuhrat Abdurahmonov yana e’tibor markaziga tushib, uning ovozi ekani aytilayotgan audiosi tarqaldi.
Audioda qachon o‘tgani noma’lum yig‘ilishda hokim jurnalistlar bilan qanday gaplashishi, shuningdek, Marhamat tumanidagi «shallaqilar»ga qanday chora ko‘rganini aytib maqtangan.
Tarqalgan audioyozuv yuzasidan Andijon viloyati hokimligi matbuot xizmati munosabat bildirdi.
Unda audioyozuv Andijon viloyati hokimi SH.Abdurahmonovga tegishli ekanligi tan olinadi, biroq u bundan ikki yil muqaddam yozib olinganligi aytiladi.
Hokimlik matbuot xizmati Shuhrat Abdurahmonovning jurnalistni «hezalak» deb haqoratlagani «barcha OAV vakillariga emas, aksincha ayrim noxolis OAV xodimlariga nisbatan aytilgani»ni urg‘ulaydi.
Audioyozuvning ikkinchi – murojaatchilarni, «shallaqi» ayollarni 15 sutkaga «tiqib qo‘ygani» haqidagi qismiga hokimlik munosabat bildirmagan.
Energiya tarmoqlariga o‘zboshimchalik bilan ularnish o‘g‘rilik hisoblanadi
Tatyana Karimova va Pyotr Karimov o‘rtasidagi sud ishi davom etmoqda
O‘zbekiston tibbiyoti og‘ir judolikka uchradi
