Turkiya Superligasining 33-turi doirasida "Istanbul Bashakshexir" o‘z maydonida "Samsunspor"ni qabul qildi. Uchrashuv mezbonlarning 3:0 hisobidagi ishonchli g‘alabasi bilan yakunlandi.
Mazkur bahs o‘zbekistonlik futbol muxlislari uchun e’tiborli bo‘ldi. Mezbonlar safida hujumchi Eldor Shomurodov asosiy tarkibda maydonga tushib, to‘liq harakat qildi. Hamyurtimiz 6-daqiqada penaltini aniq amalga oshirib, hisobni ochgan bo‘lsa, 43-daqiqada jamoadoshiga golli uzatma yetkazib berdi.
Shuningdek, "Istanbul Bashakshexir"ning yana bir o‘zbekistonlik a’zosi Abbosbek Fayzullayev 70-daqiqada zaxiradan o‘yinga qo‘shildi va 78-daqiqada raqib darvozasini ishg‘ol qilib, yakuniy hisobni o‘rnatdi.
Sofascore nashri Shomurodovning o‘yinini 7.9 ballga, Fayzullayevning harakatlarini esa 7.4 ballga loyiq ko‘rdi.
Krishtianu Ronaldu millionlab obunachilarini yo‘qotdi
Xoland «Siti» muxlislariga murojaat qildi
Bahodir Jalolov professional boksdagi 18-g‘alabasini tantana qildi (VIDEO)
