Туркия Суперлигасининг 33-тури доирасида "Истанбул Башакшехир" ўз майдонида "Самсунспор"ни қабул қилди. Учрашув мезбонларнинг 3:0 ҳисобидаги ишончли ғалабаси билан якунланди.
Мазкур баҳс ўзбекистонлик футбол мухлислари учун эътиборли бўлди. Мезбонлар сафида ҳужумчи Элдор Шомуродов асосий таркибда майдонга тушиб, тўлиқ ҳаракат қилди. Ҳамюртимиз 6-дақиқада пенальтини аниқ амалга ошириб, ҳисобни очган бўлса, 43-дақиқада жамоадошига голли узатма етказиб берди.
Шунингдек, "Истанбул Башакшехир"нинг яна бир ўзбекистонлик аъзоси Аббосбек Файзуллаев 70-дақиқада захирадан ўйинга қўшилди ва 78-дақиқада рақиб дарвозасини ишғол қилиб, якуний ҳисобни ўрнатди.
Sofascore нашри Шомуродовнинг ўйинини 7.9 баллга, Файзуллаевнинг ҳаракатларини эса 7.4 баллга лойиқ кўрди.
Криштиану Роналду миллионлаб обуначиларини йўқотди
Холанд «Сити» мухлисларига мурожаат қилди
Баҳодир Жалолов профессионал боксдаги 18-ғалабасини тантана қилди (ВИДЕО)
