Bugun, 30 sentyabr kuni soat 15:34 da Andijon viloyati Favqulodda vaziyatlar boshqarmasiga Shaxrixon tumanida joylashgan ikki qavatli “Super market”ning yerto‘lasida yong‘in ro‘y berayotganligi to‘g‘risida xabar kelib tushgan.
Shunga ko‘ra, voqea joyiga 9 ta yong‘in-qutqaruv ekipaji soat 15:40 da yetib borib, yong‘in soat 16:17 da o‘rab olingan va soat 16:29 da o‘chirilgan.
Hodisa oqibatida jabrlangan va halok bo‘lganlar yo‘q.
Hozirda yong‘inning kelib chiqish sababi va moddiy zarar miqdori aniqlanmoqda.
Yuqoridagi kabi ko‘ngilsiz vaziyatlarning oldini olish maqsadida, Favqulodda vaziyatlar vazirligi fuqarolardan yong‘in xavfsizligi qoidalariga rioya etishni so‘rab qoladi.