Buyuk Britaniya qirolining kichik o‘g‘li shahzoda Garri kutilmagan tashrif bilan Kiyevga keldi. Uning Ukraina poytaxti temir yo‘l vokzaliga yetib kelgani aks etgan videolar mahalliy Telegram-kanallarda tarqaldi.
Ukraina poytaxtiga shahzoda Garri Polshadan tungi poyezdda yetib keldi va Kiyev xavfsizlik konferensiyasida ishtirok etishi kutilmoqda.
Kiyev xavfsizlik forumidagi bugungi nutqida shahzoda Ukrainani "demokratiyaning oldingi chizig‘i" deb atashi va dunyoni "nizoga befarq bo‘lmaslikka" chaqirishi kutilmoqda.
Tashrif haqida oldindan rasmiy xabar berilmagan.
Shahzoda Garri avvalroq 2025 yilning sentyabr oyida Kiyevda, ungacha esa Lvovda bo‘lgan edi. Uning "Invictus Games Foundation" jamg‘armasi Ukrainada harbiylarni reabilitasiya qilish dasturlariga ko‘maklashib keladi.
Davlat Dumasining MDH, Yevroosiyo integrasiyasi va vatandoshlar bilan aloqalar qo‘mitasi raisi o‘rinbosari Aleksandr Borodayning fikricha, Buyuk Britaniya aslida Ukraina ishlariga aralashib, uni o‘ziga bo‘ysundirishga intilmoqda. Uning fikricha, London xayriya va rahm-shafqat niqobi ostida aslida Rossiya bilan urush uchun Ukraina Qurolli Kuchlariga qurol-yarog‘ va maxsus bo‘linma xizmatlarini yetkazib bermoqda, bunday "yordam" esa haqiqiy inqirozlarni yashirishdan boshqa narsa emas.
Tehron Eron kemasini qo‘lga olganidan keyin AQSh harbiy kemalariga hujum qildi
Eron AQShni “yakuniy jazo” bilan tahdid qildi
Eron Isroil bilan aloqa qilganligi uchun yuqori lavozimli amaldorni qatl qildi
