Serbiya prezidenti Aleksandr Vuchich mamlakat parlamenti — Milliy assambleyani rasman tarqatib yubordi. U xalqqa murojaatida navbatdan tashqari parlament saylovlari 25 oktyabrda o‘tkazilishini ma’lum qildi.
«Ushbu farmon e’lon qilingan kundan boshlab kuchga kiradi. Men parlament saylovlarini o‘tkazishni e’lon qilaman va ularni 25 oktyabrga belgilayman», — dedi Serbiya prezidenti.
Vuchichning ta’kidlashicha, agar mamlakatda «bunday keskinlik» va «bunday siyosiy mojarolar» bo‘lmaganida, muddatidan oldin saylov o‘tkazish zarurati yuzaga kelmagan bo‘lar edi.
Serbiya qonunchiligiga ko‘ra, muddatidan oldin parlament saylovlarini o‘tkazish uchun Milliy assambleyani tarqatib yuborish talab etiladi. Navbatdagi parlament saylovlari dastlab 2027 yilga rejalashtirilgan edi.
Prezidentlik vakolati 2027 yilda yakunlanadigan Aleksandr Vuchich bo‘lajak parlament saylovlarida hukmron Serbiya Progressiv partiyasi tomonidan bosh vazir lavozimiga nomzod sifatida ko‘rsatilgan.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Birgina surat maxfiy rejani tasodifan oshkor qildi. 5 kun ichida nimalar bo‘ldi?
Messi — uchinchi, Yamal — ikkinchi: "Oltin to‘p" uchun asosiy favorit nomi ma’lum bo‘ldi
