Сербия президенти Александр Вучич мамлакат парламенти — Миллий ассамблеяни расман тарқатиб юборди. У халққа мурожаатида навбатдан ташқари парламент сайловлари 25 октябрда ўтказилишини маълум қилди.
«Ушбу фармон эълон қилинган кундан бошлаб кучга киради. Мен парламент сайловларини ўтказишни эълон қиламан ва уларни 25 октябрга белгилайман», — деди Сербия президенти.
Вучичнинг таъкидлашича, агар мамлакатда «бундай кескинлик» ва «бундай сиёсий можаролар» бўлмаганида, муддатидан олдин сайлов ўтказиш зарурати юзага келмаган бўлар эди.
Сербия қонунчилигига кўра, муддатидан олдин парламент сайловларини ўтказиш учун Миллий ассамблеяни тарқатиб юбориш талаб этилади. Навбатдаги парламент сайловлари дастлаб 2027 йилга режалаштирилган эди.
Президентлик ваколати 2027 йилда якунланадиган Александр Вучич бўлажак парламент сайловларида ҳукмрон Сербия Прогрессив партияси томонидан бош вазир лавозимига номзод сифатида кўрсатилган.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Биргина сурат махфий режани тасодифан ошкор қилди. 5 кун ичида нималар бўлди?
Месси — учинчи, Ямал — иккинчи: "Олтин тўп" учун асосий фаворит номи маълум бўлди
