Samarqanddagi qabristonda yong‘in sodir bo‘ldi

12 iyun kuni soat 11:05 larda Samarqand viloyati Qo‘shrabot tumani favqulodda vaziyatlar bo‘limiga Bozorjo‘y mahallasi hududida joylashgan «Ko‘kto‘nli ota» qabristonida yong‘in sodir bo‘layotgani haqida xabar kelib tushgan, deb xabar bermoqda tuman hokimlik axborot xizmati.

Qayd etilishicha, ushbu xabar asosida tuman favqulodda vaziyatlar bo‘limi tomonidan 2 ta jangovar ekipaj jalb qilingan va soat 12:54 da yong‘in to‘liq bartaraf etilgan.

Hozirgi paytda holat yuzasidan tuman FVB tomonidan, tergovga qadar surishtiruv ishlari olib borilmoqda.