Samarqand viloyatidagi Axborot texnologiyalari texnikumi talabasi Zuhayriddin Zokirov o‘qituvchisi otgan pichoqdan jarohat olganini aytmoqda. Bu haqda xabardor.uz xabar berdi.
Voqea joriy yil 3 iyun kuni sodir bo‘lgan.
– O‘qituvchimiz Jamshid Yaldashev men yotgan xonaga kelib, stol ustida turgan pichoqni menga otdi. Pichoq oyog‘imga qadalib qoldi. Shifokorga ham olib bormadi, – deydi texnikum o‘quvchisi.
Viloyat IIB axborot xizmati rahbari Jahongir Sagdullayev Samarqand Axborot texnologiyalari texnikumida ishlovchi shaxsning talabaga pichoq otganligi aytilayotgan murojaat yuzasidan IIB o‘rganish olib borayotganini ma’lum qildi.