Ayni damda "snos" jarayoni ko‘plab mojarolarga sabab bo‘layotgani haqida o‘qiyapmiz, ko‘ryapmiz. Xuddi shu masala bo‘yicha Davlatimiz rahbari Shavkat Mirziyoyev ham alohida topshiriq berdi, xalqni rozi qilish birinchi vazifa ekanligini ta’kidladi. Lekin...
Ijtimoiy tarmoqlarda video tarqaldi. Unda IIB xodimlarining ayollarga do‘q urayotgani va ularni zo‘rlab mashinaga tiqayotganini ko‘rish mumkin. Ma’lumotlarga ko‘ra, mazkur holat Samarqandda, Toyloqda sodir bo‘lgan va videodagi ayollar uylarining noqonuniy buzilishiga qarshi chiqishgan.
Ushbu video turli negativ fikrlarga sabab bo‘lmoqda. Shu bois tegishli tashkilotlardan mazkur holat bo‘yicha o‘rganish olib borishni, kerakli chora ko‘rishni va bu borada rasmiy ma’lumot berishni so‘ragan bo‘lardik.