Bugun, 2 noyabr kuni Samarqand shahri Afrosiyob mahallasi hududidan o‘tgan Shohizinda ko‘chasida Cobalt va avtobus ishtirokida yo‘l-transport hodisasi sodir bo‘ldi. Bu haqida viloyat IIBB YHXB xabar berdi.
Qayd etilishicha, Cobalt rusumli avtomobil haydovchisi Shohizinda ko‘chasi bo‘ylab harakatlanib kelayotgan vaqtida uxlab qolishi sababli rul boshqaruvini yo‘qotib, yo‘lning chap tomonida joylashgan temir to‘siqqa urilgan.
Oqibatda avtomobil yo‘lning qarama-qarshi tomoniga chiqib ketib, o‘z yo‘lida harakatlanib kelayotgan avtobus bilan to‘qnashgan.
Hodisa natijasida Cobalt avtomobil haydovchisi shifoxonaga yotqizilgan. Avtobus ichida yo‘lovchilar bo‘lmagan, transport vositalariga shikast yetgan.
Mazkur holat yuzasidan Samarqand shahri bo‘yicha IIO FMB TB tomonidan dastlabki surishtiruv ishlari olib borilmoqda.
O‘zbekistonda 4 kishilik oilaning yashashi uchun qancha mablag‘ kerakligi hisoblab chiqildi
Bog‘cha mudirasi ishtirokidagi janjalli vaziyat yuzasidan qaror qabul qilindi (VIDEO)
Kim Chen Inning salomatligiga doir ayrim ma’lumotlar oshkor qilindi
