Samarqand shahri 2045 yilgacha keng ko‘lamli qayta quriladi

Vazirlar Mahkamasi Samarqand shahrini 2045 yilgacha rivojlantirish bo‘yicha bosh rejani tasdiqlashni rejalashtirmoqda.

Rejaga muvofiq, shahar hududi 11,2 ming gektardan 28,4 ming gektargacha kengaytiriladi. Loyiha doirasida 11 ming gektar yangi yashil hudud va bog‘lar barpo etilishi belgilangan.

Shuningdek, transport va infratuzilmani yaxshilash maqsadida 837 kilometr yangi yo‘llar qurilishi rejalashtirilgan. Jamoat transportini rivojlantirish uchun 27 ta yo‘nalishda tramvay liniyalarini ishga tushirish ham ko‘zda tutilmoqda.