Samarqand sammiti: 2023 yil «Turkiy sivilizasiyaning yuksalish yili» deb e’lon qilindi

Shavkat Mirziyoyev kelgusi yili yurtimizda turkiy dunyo yoshlarining ilm va innovasiyalar xalqaro kongressini o‘tkazishni taklif qildi.

«Men bugun O‘zbekistonning Turkiy madaniyat xalqaro tashkilotiga to‘laqonli a’zo bo‘lganini e’lon qilishdan mamnunman.

O‘zining 30 yilligini nishonlayotgan tashkilot doirasida kelgusi yili Turkiy xalqlar madaniyati festivalini o‘tkazish taklifini to‘liq ma’qullaymiz», — dedi Mirziyoyev.

O‘zbekiston Prezidenti Alisher Navoiy nomidagi xalqaro mukofotni har yili berib borishni taklif etdi.

Turkiy davlatlar tashkiloti doirasida 2023 yil O‘zbekiston Prezidentining taklifi asosida “Turkiy sivilizasiyaning yuksalish yili” deb e’lon qilindi.