Saloh Klopp bilan mojaro haqida: "Agar bugun gapirsam, yong‘in chiqadi"

"Liverpul" hujumchisi Muhammad Saloh bosh murabbiy Yurgen Klopp bilan mojaro haqida gapirdi.

"Agar bugun gapirsam, yong‘in bo‘ladi", - deya Salohning so‘zlarini keltiradi jurnalist Fabrisio Romano o‘zining ijtimoiy tarmoqlarida.

Angliya Premyer-ligasining 35-turidan o‘rin olgan bahsda “Liverpul” safarda “Vest Xem” bilan o‘ynadi.

Epizod o‘yinning 82-daqiqasida, Saloh zaxiradan maydonga tushishga hozirlik ko‘rayotgan vaqtda, bosh murabbiy bilan og‘zaki nizo kelib chiqqanida yuz berdi. Misrlikni uning yonida turgan Darvin Nunyes va Jo Gomes tinchlantirishdi.