Rubio: "Ukrainadagi hal qilinmagan muammolar ro‘yxati qisqarib bormoqda"

Rossiya-Ukraina urushini tinch yo‘l bilan tugatish bilan bog‘liq hal qilinmagan masalalar ro‘yxati asta-sekin qisqarib bormoqda, ammo eng qiyinlari kun tartibida qolmoqda.

AQSh Davlat kotibi Marko Rubio matbuot anjumanida Vashington, Kiyev va Moskva o‘rtasida Abu-Dabida bo‘lib o‘tgan uch tomonlama muzokaralar haqida fikr bildirar ekan, shunday dedi.

"Ro‘yxat sezilarli darajada qisqartirildi. Bu yaxshi xabar. Yomon xabar shundaki, eng qiyinlari qolmoqda", deb ta’kidladi u.

Rubio uch mamlakat delegasiyalari Ukrainadagi vaziyatni barqarorlashtirish uchun aniq yechimlar va amaliy qadamlarni topishga qaratilgan maslahatlashuvlarni davom ettirayotganini ta’kidladi.

"Bu masala bo‘yicha aytishim mumkinki, biz (AQSh ma’muriyati – tahr.) bu masalaga juda yuqori darajada katta vaqt va kuch sarflamoqdamiz. Biz biror yutuq bo‘ladimi yoki yo‘qmi, ko‘rish uchun qo‘limizdan kelgan barcha ishni qilishda davom etamiz", dedi tashqi ishlar vaziri.