Rossiyada Shengen vizalariga bo‘lgan talabning ko‘payishi kuzatildi, bu Rossiya fuqarolari uchun kelajakdagi viza cheklovlari haqidagi qo‘rquv tufayli yuzaga keldi. Bu haqda sayyohlik bozoridagi manbalarga tayanib, “Kommersant” yozmoqda.
Vizaxod xizmati ma’lumotlariga ko‘ra, so‘nggi ikki hafta ichida Shengen vizasiga murojaat etuvchilar soni 40 foizga oshgan.
"Bu, ayniqsa, hafta oxirida, Estoniya rasmiylarining bayonotlari fonida sezildi", — dedi gazetaga viza agentligining korporativ bo‘limi boshlig‘i Marina Shirokova.