Joriy yilning 16–18 mart kunlari Toshkentga Moskvadan delegasiya kelishi rejalashtirilgan. Bu haqda Tashqi mehnat migrasiyasi agentligi matbuot kotibi Ortiqxo‘ja Norov ma’lum qildi.
«Toshkentda Moskva ko‘p tarmoqli migrasiya markazining vakolatxonasi ochilishi rejalashtirilyapti. Bu yerda Rossiyaga ketadigan mehnat migrantlariga patent olishda kerak bo‘ladigan hujjatlarni to‘plashda amaliy yordam ko‘rsatiladi. Toshkentda patent berish rejalashtirilmagan. Patent olish uchun avvalo Rossiyaga borib ro‘yxatdan o‘tish kerak, busiz iloji yo‘q», – dedi Ortiqxo‘ja Norov.
Bundan ko‘zlangan maqsad migrantlarning ishsiz o‘tirishi yoki patent chiqqunicha, noqonuniy ishlab turish jarayonida qo‘lga tushishi, jarima va deportasiya qilinishi kabi ko‘ngilsizliklarning oldini olish hisoblanadi.
Avvalroq Rossiya tashqi ishlar vaziri Sergey Lavrov har bir ish beruvchining arizasi asosida yangi mehnat muhojirlarini qaytarish yoki taklif qilish imkoniyatlari ko‘rib chiqilishini aytib o‘tgandi.
Alisher Usmonov Aliya bilan onlayn efirda gaplashganligi aks etgan video tarqatilmoqda
Rossiya yaqin kunlarda Zelenskiyni o‘ldirib yuborishi mumkin
Dronlar Rossiyaning eng yirik neftni qayta ishlash zavodiga hujum qildi
