Rossiyada strategik bo‘lmagan yadro qurollarining shayligini tekshirish va ularni qo‘llash bo‘yicha mashg‘ulotlar boshlandi. Bu haqda Rossiya Mudofaa vazirligi xabar berdi.
Yadro mashg‘ulotlarining birinchi bosqichi doirasida “Iskander” tizimi uchun o‘q-dorilarni belgilangan hududga yashirincha yetkazish vazifasi bajarilmoqda.
Shu bilan birga, Aerokosmik kuchlar vakillari samolyotlarni maxsus jangovar qurollar, shu jumladan “Kinjal” raketalari bilan jihozlashni mashq qiladi va belgilangan patrul hududlariga parvozlarni amalga oshiradi.