Rossiyaning Voronej shahrida qizlarning nomusiga tekkan uch nafar o‘zbekistonlik sud qilindi. Bu haqda shaharning Markaziy tuman sudi matbuot xizmatiga tayanib, Sputnik xabar qildi.
Xabarda yozilishicha, uch nafar O‘zbekiston fuqarosi 2017 yilning sentyabr oyida Voronej shahrida oldindan til biriktirib, jinoyat sodir etishga kelishib olgan. Jinoyatchilar 19 yoshdan 25 yoshgacha bo‘lgan to‘rt nafar qizlarga nisbatan bosqinchilik va nomusga tegish jinoyatlarini sodir etgan.
Sud jinoyatchilarni ushbu jinoyatlarni sodir etishda aybdor deb topdi. Sud hukmiga ko‘ra, ulardan biriga o‘n yil, ikkinchisiga to‘qqiz yil, uchinchisiga esa to‘rt yil-u olti oy ozodlikdan mahrum qilish jazosi tayinlangan.
Bundan tashqari, jabrlanuvchilar foydasiga ikki million rubldan ortiq ma’naviy zarar va 22 ming rubl moddiy zarar undirilgan.
Manba: sof.uz
Rossiya yana bir harbiy mojaroda ishtirok etishi mumkin
Amerikalik taniqli bokschi Bahodir Jalolov haqida fikr birdirdi
ECHL. Yarim final. "Bavariya" "Real" bilan jangovar durang qayd etdi
