Rossiyada Kollektiv xavfsizlik shartnomasi tashkiloti (KXSHT)ning “Hamkorlik-2026”, “Qidiruv-2026” va “Eshalon-2026” qo‘shma harbiy mashg‘ulotlari boshlandi. Bu haqda Rossiya Mudofaa vazirligi xabar berdi.
KXSHT Birlashgan shtabi boshlig‘i, general-polkovnik Andrey Serdyukov ushbu mashg‘ulotlarni KXSHTning joriy yildagi harbiy tayyorgarlik bo‘yicha asosiy tadbiri deb atadi. Uning so‘zlariga ko‘ra, mashg‘ulotlarning dolzarbligi “dunyodagi nihoyatda murakkab harbiy-siyosiy vaziyat” bilan bog‘liq.
Harbiy mashg‘ulotlarda Belarus, Qozog‘iston, Qirg‘iziston, Rossiya va Tojikiston harbiy kontingentlari qatnashmoqda. Mashqlar 3-oktyabrgacha davom etadi.
Harbiylar mashg‘ulotlar davomida chegaradagi qurolli mojaroni jilovlash, razvedka olib borish hamda kollektiv kuchlarni moddiy-texnik ta’minlash bo‘yicha vazifalarni bajaradi.
Rossiyada bir hafta ichida kasallanganlar soni qariyb 1 millionga yetdi
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
